Російскы екстремісты в неділю атаковали ареал чеськой амбасады в Москві. Ку атаці приголосив ся ултранаціоналістічный рух Інша Росія. Акція мала быти одповідьов на знятя памятника совітьского маршала Конева з Намістя Інтербріґады в Празі, котрый веджіня міста перенесло до депозітаря пріватной фірмы, пише портал iDnes.cz. Російска амбасада в Празі в пятніцю означіла знятя памятника за неприятельскый акт, котрый є в незгоді з односныма білатералныма договорами меджі Чеськов републіков і Російов. Так само оголосила, же то не зістане без односной реакції з боку Росії. Конев ослободжовав Прагу, но в році 1968 єй і окуповав. На місці, де быв памятник Конева, має стояти памятник ослободжіня Прагы на кінцю Другой світовой войны. Конев має стати частьов експозіції планованого Музею памяти 20-го столітя.

(Медвідь, TASR)