Росія у четверь ознамила, же выгостила естоньского діпломата. Ку такому кроку приступила по рїшіню Естонії выгостити з країны російского высланця, інформовала аґентура AP. Говоркыня російского міністерства загранічных дїл Марія Захаровова увела, же естоньскый вельвысланець в Москві быв о тім кроку інформованый на стрїчі, де Росія протестовала проти выгощіню свого діпломата. Повіла, же рїшіня Естонії выгостити російского діпломата, котрый робив на културных і навчалных вопросах, є ,, абсолутно неоподстатнене“. Захаровова не додала інформації о поставлїню Естонця, котрого в Росії означіли за нежадучу особу.

(TASR, Шутіова)