Словакія выужыє 41 міліонів евр зо швайчарьского приспівку про 13 европскых країн на едукацію, здравотницьке баданя і біодіверзіту в повязаню з утримательным турізмом. Пріорітов СР є выужыти тоты жрідла на посилнїня швайчарьско-словацькых одношінь в узко вымедженых областях. Увів то шеф словацького резорту діпломації Іван Корчок (номінант SaS) по рокованю зо швайчарьскым презідентом і урядуючім міністром загранічных дїл Іґнаціом Касісом. Словакія є подля Корчока приготовлена інтензівнїше сполупрацовати зо Швайчарьском і в областях повязаных з кліматічныма змінами ці тырвало утримательным розвитком.

(TASR, Шутіова)