Америцькый міністер загранічных діл Антоні Блінкен приобіцяв лідерам Арменії і Азербайджану підпору Споєных штатів про мірный процес. В телефонатах з нима через вікенд так само вызвав на одкрытя драгы, котра веде через спорну теріторію. Арменія і Азербайджан уж десяткы років спорять ся о Нагорный Карабах, котрый формално є частьов Азербайджану, но жыють там переважно Армяны. Обидві країны вели о тот реґіон уж дві войны. Напругы знова наросли по тім, як Азербайджан зрядив контрольный пункт в Лачіньскім корідорі, котрый є єдинов земнов драгов, яка капчать Нагорный Карабах з Арменійов.

(Медвідь, TASR)