Бывшый косовскый презідент Гашім Тгачі, котрого обвинив гааґскый Шпеціалный трібунал про Косово із злочінів проти цівілістів зробленых в роках 1999 і 2000 почас конфлікту із Сербійов, на понедільковім їднаню суду выголосив ся за невинного. Інформовала о тім аґентура АFP. Тгачі быв вождьом повстанецькой Косовской ослободительской армії (УЧК), озброєной орґанізації етнічных Албанців, котра в роках 1998 і 1999 войовала у войні в Косові за незалежность од Сербії. Трібунал в Гааґу Тгачіго і далшых оскарженых судить про обвиніня зо злочінів, меджі котрыма є мучіня ці нелеґалне одобераня людьскых орґанів.

(Медвідь, TASR)