Председу мадярьской влады Віктора Орбана прийме 7-го новембра америцькый презідент Доналд Трамп в Білім домі. Подля сервера nepszava.hu то ознамив днесь на пресконференції шеф уряду влады Ґерґелі Ґулиас, інформує справодайця пресаґентуры TASR в Будапешті. На стрічі обідві стороны підпишуть договор о сполупраці в області енерґетікы, воєньского промыслу, економікы і фінанцій. Дакoтры з них уж подля Ґулиаса были продіскутованы і приправа дакотрых іщі тырвать. Трамп з Орбаном будуть дiскутовати і о можнім розвою спрямуваного к міру на Україні. Шеф уряду влады тыж повів, же обідвоє лідры мають радость з того, же тырвать згода з приправованого будучого мірового саміту в Будапешті.  (TASR, Пкф)