Канадьскый премєр Джастін Трудо бере за можливе дати санкції односно Талібану. В понедільок вказав на то, же тот ісламістічный рух, котрый овладнув Афґаністан, зіставать терорістічным субєктом. Інформовала о тім аґентура AFP. За словами канадьского премєра Канада довго признавать, же Талібан суть терорісты, і же крыють терорістів. Зато мож бісідовати о санкціях, повів Трудо новинарям. Днесь будуть о Афґаністані на віртуалнім саміті бісідовати лідеры ґрупы G7, котру товрять Великобірітанія, Франція, Японія, Канада, Німецько, Італія і США. Великобрітанія, котра теперь має ротуючу презідію в ґрупі, інформовала, же увольніня єствуючіх санкцій „буде залежати од справованя Талібану“.

(Медвідь, TASR)