Переважна векшына Українців далше поважує Володиміра Зеленьского за свого леґітімного презідента, а то і наперек тому, же дішло ку продовжіню його функчного періоду без волеб, кедьже країна од фебруара 2022-го року є і войновім стані з Російов. Інформує о тім аґентура DPA. Як выходить із баданя публічного мніня, котрого резултаты в понедільок публіковав Меджінародный соціолоґічный інштітут в Києві, 70 процент із цілкового чісла 2011 респондентів собі думать, же Зеленьскый быв мав зістати у функції аж до кінця войны. Лем 22 процент звіданых было проти. Москва твердить, же Зеленьского мандат закінчів ся, і дале не є леґітімным лідером країны, пише DPA.

(Медвідь, TASR)