Хорватію засягли найвекшы пожары в часі того літа
00
В хорватьскій Далмації вчера взникли три великы пожары – два в області Шібеніка і єден в області Задару. В Затоне і Расліне при Шібеніку пожар засягнув і домы, згоріло їх десять аж двадцять. Сітуацію комплікує сильный вітор, гасічом помагають і вояци і цілково штирі гасічскы летадла. Затля небыли голошены ниякы поранены, інформує пресаґентура TASR подля справ Хорватьской радіотелевізії (HRT) і інтернетовых новинок Dnevnik. До Шібеніка вчера вечур прийшов і премєр Андрей Пленковіч. Медіям пізніше повів, же найгорша сітуація є в Расліне і Затоне. Іде подля нього о найвекшы пожары того літа в Хорватії, влада шак затля непланує пожадати о поміч іншы країны. (TASR, Pkf)
-
Назад / Nazad При Варшаві обявили масовый гроб з людьскым попілом, котрый одповідать 8000 людьскым особам
-
Далше / Dalše Презідент Серґіо Маттарелла одмітнув прияти демісію премєра Маріа Драґгіго