Чеськый міністер загранічных дїл Ян Ліпавскый отворив новый заступітельскый уряд Чеськой републікы в штатї Катар. TASR о тім у четверь інформовало тискове оддїлїня Міністерства загранічных дїл ЧР, інформує справодайкыня в Празї. ,,Катар є про чеськы компанії вызначным торгом, котрый понукать інтересны інвестічны можности. Одношіня Чехії і Катару ся теперь дінамічно розвивають,“ повів чеськый міністер протягом святочного отворїня амбасады в Давга. Новый заступітельскый уряд буде додавати чеськым обчанім конзуларну поміч а помагати тыж чеськым фірмам при вступі на катарьскый торг. Нову чеську амбасаду поведе амбасадор Петыр Халупецькый.

(TASR, Шутіова)