Мадярьско підтримує вступ Швеції до Североатлантічной аліанції, но было бы добре, кебы Швеція не пошыровала о Мадярьску лжи. Подля сервера Hvg.hu о тім у віторок в Штокголмі бісідовав Чаба Генде, єден із представителів штиричленной делеґації мадярьского парламенту. Подля мадярьсклого депутата бы требало, жебы шведьскы політіци, представителі влады і депутаты Европского парламенту на основі цалком фальшывых тверджінь не назначовали, же в Мадярьку суть проблемы з правнов державов. На вопрос шведьскых медій, ці його слова значать, же в Мадярьску не суть проблемы з правнов державов, людьскыма правами і слободов медій, одповів, же о ничім такім не знать.

(Медвідь, TASR)