На юновім саміті ґрупы G7 будуть брати участь і представителі Індії, Індонезії, Югоафрицькой републікы а Сенеґалу як гостюючіх держав. Стріча буде проходити на замку Елмау в Баварії. В понедільок то потвердив говорця німецькой влады. Індонезія є того часу предсидательсков країнов G20, Сенеґал предсидательсков країнов Африцькой унії. До ґрупы G7 належыть окрім Німецька і Франція, Великобрітанія, Італія, Споєны штаты Америкы, Канада і Японія. Німецько є теперь предсидательсков країнов, ротуючу презідію в януарі на єден рік перевзяло од Великобрітанії. Саміт, котрый буде на кінцю юна, має занимати ся окрім іншого російсков інвазійов на Україну, жывотным оточіньом ці боротьбов проти пандемії.

(Медвідь, TASR)