Іраньскый міністер закордонных справ Аббас Аракчі в неділю попер догады о здравю найвысшого духовного водця аятоллаха Моджтабы Хаменеїго з тым, же є у вынятково добрім здравотнім ставі і сітуацію в країні має під контрольoв, увела іраньска пресова аґентура IRNA. Інформує о тім аґентура DPA. Аракчі то повів коротко по тім, што америцькый міністер обороны Піт Геґсет на пятковім бріфінґу в Пентаґоні выголосив, же Моджтаба Хаменеї є внаслідку зранїнь, котры утерпів при америцько-ізраїльскых атаках на Іран, „докаліченый“. І америцькый презідент Доналд Трамп найновше в дебаті про станіцю NBC News увів, же іраньскый аятоллах є „очівісно мерьтвый“ або тяжко пораненый. (TASR, Пкф)