В додаваню земного ґазу про Мадярьско має головну роль компанія Ґазпром. Очекованый розвиток інфраштруктуры в тім реґіоні назначує, же то так буде і в будучности, повів подля аґентуры MTI в понедільок в Будапешту по стрічі з председом презідії компанії Ґазпром Віктором Зубковом мадярьскый міністер загранічых діл і вонкашніх економічных односин Петер Сіярто. Міністер підкреслив і надійну співпрацу Мадярьска з російскым Ґазпромом і в области хоснованя земного ґазу в транспорті. За його словами в повніню кліматічных цілів може хоснованя земного ґазу в области транспорту грати важну роль.

(Медвідь, TASR)