x

Австрія приправує пару штатных фондів на переконаня крізы

00

Австрійска влада днесь приправує пару штатных фондів в цалковій сумі 38 міліард евр, котры мають в різных областях господарьства помочі переконати крізу запричінену зо шыріньом нового коронавірусу. Пріорітным є тзв. фонд про найважнішы сітуації і влада хоче до кінця того тыждня розробити приналежны постановліня, на котрых сполупрацює з міністерством фінанцій і господарьства, як і з віцеканцеларом Вернером Коґлером. Фонд про найважнішы сітуації мать днесь найвысшу пріоріту і вести го буде Господарьска комора. (TASR, Pkf)