Чісло людей у світі, котры собі хочуть купити електричне авто (EV), першый раз перекрочіло границю 50%. Указала то найновша штудія сполочности EY. TASR о тім інформує на основі справы Bloomberg. Коло 52% опрошеных увело, же мать інтерес о електричне авто, што представує наріст о 22 процентуалных пунктів за два рокы дани споминаной сполочности. На основі дослідженя, на котрім брало участь скоро 13.000 людей з 18 країн, векшына спотребителів зважує купліня електроавта главні з причіны охраны жывотного оточіня. Першый раз ся як ключовый проблем обявили і звышуюче ся пенале про авта зо спальовачім мотором позначіла EY. (TASR, Pkf)