В середу рано о 6:01 середньоевропского часу почала діяти нова волна америцькых цел на товары із десяток держав, котры америцькый презідент оголосив минувшый тыждень. Найвекшы цла дав на Кітай, на котрого товары платить таріфа 104 процент. На Европску унію дав 20-процентовы цла. По запроважіню 10-процентовых таріф, котры почали діяти почас вікенду, і затрясли світовов економіков, в середу таріфы підняли ся далше про 60 країн. Америцькый презідент вірить, же його політіка ожывить америцькый промысл і примусить компанії перенести ся до Споєных штатів. Многы експерты і економове похыбують о тім, як скоро, і ці обще, таке перенесіня комапній зреалізує ся, і остерігають перед высшов інфлаційов, кедьже цла оддзеркалять ся в цінах товарів.

(Медвідь, TASR)