Зражка російского  бомбардера з америцькым дроном над Чорным морьом у вівторок рано правдеподобно запричінила на російскій машыні істе пошкоджіня, повів то бриґадный ґенерал америцькых воздушных сил і говорця Пентаґону Пат Рідер. Цітував го портал британьского денника The Guardian.  Російскый бомбардер Su-27 ся  вчера рано в меджінароднім воздушнім просторі в області Чорного моря зразив з америцькым дроном MQ-9 Reaper, котрый потім пав. Америцька армада тот крок кваліфіковала як небезпечный і непрофесіоналный атак з боку Росії. Москва але даный інцідент внимать як провокацію. Выголосив то російскый амбасадор в США Анатолій Антонов з тым, же Москва нехоче конфронтацію. (TASR, Pkf)