Од 21-го до 29-го октобра 2023-го року проходить 66-ый річник Меджінародного торгу книжок в Белеграді. Уж традічно суть на нім каждый рік презентованы і русиньскы выданя, котры приготовили Русины з Войводины. Як інформовала аґентура Рутенпрес, новы русиньскы выданя были одпрезентованы в понедільок 23-го октобра. Презентовали двоми выдавателі – Руске слово і Завод про културу войводиньскых Русинів із Нового Саду.