Нова німецька міністерка обороны Аннеґрет Крампова-Карренбаверова зложыла вчера присягу на вынятковім засіданю Сполкового сніму (Bundestag). Інформувала о тім аґентура DPA. Веджіням резорту ся Крампова-Карренбаверова фактічно уяла уж перед тыждньом, кедь собі перевзяла декрет о призначені. Функцію перевзяла Урсулі фон дер Лейеновій, котру минулый тыждень зволили европосланці за председничку будучой Европской комісії (EK). Як у своїм слові перед Бундестаґом Крампова-Карренбаверова повіла, „Мам великый решпект перед нашыма вояками, перед їх службов і перед робітниками і сполупрацовниками нашого Бундесверу. Тот решпект є про мене основов мойой роботы і нашой сполупраці. Єм пышна тыж на енормне насаджіня вецей як 180.000 вояків, котры каждый день забезпечують охрану Німецька і охрану нашой слободы.“ (TASR, Пкф)