Америцькый презідент Джов Байден позвав ізраільского премєра Бенъяміна Нетанъягу на навщіву Білого дому. В понедільок о тім інформовала канцеларія ізраільского премєра. Як далше канцеларія приближыла, Нетанъягу позваня прияв з тым, же детайлы стрічі скоордінують обидві стороны. Позваня приходить в часі, коли ся влада Бенъяміна Нетанъягу намагать просадити спорну реформу юстіції, з котрой Байден публічно выразив страх. Реформа выкликала в Ізраілі протесты. Опозіція твердить, же країну посуне ку авторітарьскій владі.

(Медвідь, TASR)