Російского презідента Володимира Путїна в ёго лїтнїм обыстю в Сочі навщівив сірьскый презідент Башар Асад. Подля Асада влада в Дамаску поступує в бої проти терорізму, чім приправлює фундамент політічному процесу. Презіденты підкреслили важность вытворити условія на політічне рїшіня конфлікту в Сірії. Обоме презіденты підкреслили важности вытворїня далшых условій, котры бы спростили обновлїня повноцїнного політічного процесу і припомянули тоже успіх астаньского процесу, як і Конґресу сірьского народа, котрый ся одбыв в Сочі. Асад інформовав Путїна о своїм розгоднутю послати до ОСН делеґацію, жебы там передіскутовала реформу штатной конштітуції. Росія є в рамках веце як 7 років проходячого сірьского озброєного конфлікту головным споєнцём презідента Асада. Вступ російского войска до Сірії в роцї 2015 звернув розвой сітуації в проспіх ёго влады.
(TASR)