Ізраїльскый премєр Бенямін Нетанягу прийде в неділю на двойдньову навщіву Україны. Їднати буде і з тамтешнім презідентом Україны Володимиром Зеленскым, інформувала о тім аґентура UNIAN. Буде то перша навщіва Нетанягуа в Кієві за послідніх 20 років. Стане ся першым світовым лідром, котрый ся стрітне зо Зеленскым на україньскій землі. Їх стріча є напланована на понеділок, 19. авґуста. Нетанягу і Зеленскый мають окрім іншого в плані здати честь памятці жертвам масакры в роклині Бабін Яр недалеко Києва. Кінцьом септембра 1941-го року там члены СС в часі двох днів застрілили 33.000 жыдовскых мужів, жен і дітей, скоро комплетну жыдовску популацію найвекшого україньского міста бывшого Совїтьского союзу. (TASR, Пкф)