x

Закінчів ся Рік Адолфа Добряньского

00

Вчера в Пряшові проходило святочне закінчіня юбілейного Року Адолфа Добряньского, котрый быв выголошеный Округлым столом Русинів Словеньска. Дополідне проходила святочна академія на Великій сцені Театру Александра Духновіча, котру приготовила Матиця Словацька вєдно із театром, Русиньскым здружіньом інтересів і Русиньсков обродов на Словеньску. Участны мали можливость выслухати собі лекції о Добряньскім од ґрекокатолицького священика Мілана Ясика, декана православной богословской факулты Яна Шафіна і Андрія Антоняка. Академія мала і културный фолклорный проґрам. Пополідне была членами Округлого стола в просторах Руського дому одкрыта памятна табла Добряньскому. На святочнім одркытю брали участь представителі русиньскых професіоналных інштітуцій, обчаньскых здружінь і представителі Матиці словацькой вєдно із своїм председом Маріяном Ґешпером. Святочне закінчіня проходило як раз в день, кв котрый ся перед 200 роками Добряньскый народив.
(Петро Медвідь)