Послідню часть ехпозиції Музея голокавсту барак ч.2 сприступнили в Середі вчера за участі міністеркы културы Любіцы Лашшаковой, міністра фінанцій Ладіслава Каменіцкого і амбасадора штату Ізраїль Боаза Модаіго. Жыдовске музеум Словеньского народного музея так докінчило за словами його діректора Павла Мештяна етапу будованя сталой выставы, фурт припоминаючой  в бывшім працовнім і концетрачнім лаґерї голокавст Жыдів на Словакії. Першу часть ехпозиції Музея голокавсту одкрыли в януарї 2016-го року в двох з цілковых пятьох бараків, котры ся захранили з часів войны і перейшли реконштрукційов. Поступово прибыли дальшы часті. Цалковы кошты на выбудованя музеа, як інформував Мештян, вышли на 7,5 міліонів евр з выужытям помочі з Европского фонду реґіоналиного розвоя і штатного бютжету СР. (TASR, Pkf)