Анґлія скоротить од понедїлька довжку карантены при накажіню коронавірусом зо семох днїв на пять. Ознамив то брітаньскый міністер здравотництва Саїд Явід, інформує аґентура DPA. Явід перед посланцями Спіднёй сеймовни брітаньского парламенту повів, же подля інформацій брітаньского Уряду про здравотну безпечность приближно дві третины людей позітівно тестованых на захворїня COVID-19 уж концём пятого дня карантены не суть інфекчны. Подля Явіда так од понедїлька будуть мочі накажены ковідом закончіти карантену на шестый день по выконаню двох антіґеновых тестів з неґатівным резултатом на пятый а шестый день ізолації.

 (TASR, Шутіова)