В серьбскій метрополі Белеград і в далшых осьмых містах ся в суботу одбыли демонштрації тісячок людей, котры протестовали проти серьбской “културы насиля“. Од двох масовых стрілянь, при котрых в маю было вбито 18 людей, ся в Сербії протесты одбыли уж паруразів. Інформує аґентура DPA. В Белеграді протестуючі дочасні заблоковали далницю. Далшы демонштрації ся одбыли  в містах Новый Сад, Ніш, Краґуєвац, Крайлево, Суботіца, Вранйе ці Лесковац. (TASR, Pkf)