Німецькы політичны партії достали вчера поволіня на зачатя кампанії перед повторюючіма  парламентныма вольбами в року 2021 в різных волебных районах Берліна. Інформує  о тім аґентура DPA. О повторюваню волеб вырішыв Уставный суд в децембрі про множество похыбінь, котры нарушыли вольбы 26-го септембра 2021-го року. Люди мусіли чекати в рядох, листкы на голосуваня были хыбны, або хыбали цалком, і волебны містьности были дочасні заперьты.  В дакотрых ся голосувало  і по предпокладанім скінчіню волеб, кедь уж были ознамены дочасны выслідкы. Парламентны вольбы будуть повторены 11-го фебруара в 455 волебных районах з цілкового чісла 2256, причім волебне право мать скоро 550.000 Берлинчанів. (TASR, Pkf)