Стовкы демонштрантів выйшло вчера до улиць Лондина і скоро мілон людей підписало петіцію вымагаючу, абы британьскый премєр Боріс Джонсон зрушыв свій план перерушыти в другім септембровім тыждні аж до 14-го октобра засіданя парламенту. Інформує о тім на своїм інтернетовім сайті станіця BBC. Демонштранты на мітінґу скандовали „заставте переворот“ і несли транспаренты з надписми, котры одмітали брехіт, і так само мали при собі флаґы Европской унії. Джонсон вчера здобыв згоду кральовной Алжбеты ІІ. на перерушіня засіданя парламенту, чім ся перед одходом Британії з ЕУ напланованым на 31-го октобра понижыть чісло днів на засіданя. Плановане перерушіня выкликало гнів опозичных посланців, але і части конзерватівных законодарців, котры суть за зостатя в ЕУ. (TASR, Пкф)