Коло выкоповых робот на ставбі в окресї Зноймо на юговыходї Чехії нашли ставебны робітницї высше 2 000 ручных і 92 протитанковых ґранатів з час другой світовой войны. TASR справу перевзяла од аґентуры DPA, котра ся одкликує на четверёве выголошіня чеськой поліції. Точне місце, на котрім была обявлена муніція, не было опубліковане, жебы ся там не нагромадили люде. Подля аґентуры DPA але мусило приближно 1 000 людей, котры бывають в близкости того місця, дочасно з безпечностных доводів oпустити свої хыжы. Муніція была по выкопаню перевежена на отворене поле, котре ся находить в близкости, де была при контролованім выбуху знешкоднена.

(TASR, Шутіова)