x

В ОСН быв одобреный ґлобалный міґрачный пакт

00

Ґенерална асанблея ОСН одобрила вчера ґлобалный міґрачный пакт. Інформувала о тім аґентура АФП. За ратифікацію голосувало 152 країн, 12 ся голошуваня стримало і пять країн – ЧР, Ізраїль, Мадярьско, Поландія і Споєны штаты америцькы – были против. Приправа Ґлобалного рамка ОСН про безпечну, веджену і леґалну міґрацію была докінчена в юлі в ОСН по 18 місяцях їднаня. Против даному договору шак меджічасом взникли протести і многы европскы країны меджі нима і Словакія вырозуміли, же непідпорять даный пакт. Договор наконець одобрили 10. децембра в Маракеші акламеціов заступникы 164 країн. Цільом документу є помочі ліпше орґанізувати міґрачны токы, посилнити права міґрантів і елімінувати нелеґалне перекрочуваня границь.
(TASR)