Протестуючі в місті Лубін на западі Польщі метали в неділю каміня, цеглы і дальшы предметы на поліцайну станіцю в часі демонштрації, на котрій проявлювали гнів над недавнов смертьов мужа в поліцайніj целі. Інформувала о тім аґентура AP. Перед поліцайнов центральов в Лубіні ся подля польскых медій зыйшло коло 200 людей, котры там запальовали свічкы. В часі мітінґу асі 30 особ вторгло до будовы і поліцайты протів ним поужыли слызотворный плін увела справодайска телевізія TVN24. Демонштруючі в реакції зачали метати на поліцайтів і будову фляшкы і іншы предметы. Розбили і окна. Поліція ознамила, же многы єй членове потерпіли пораніня і же затримала пару десяток демонштрантів. (TASR, Pkf)