В Празї отворили першый склеп в Чехії, котрый продавать лем реґіоналны продукты. Склеп Naše síťovka понукать потравины од тримателїв оцїнїня Реґіонална потравина, біо продукты еколоґічного землегосподарьства ці выробкы з чеськов значков якости КЛАСА. За проєктом стоїть Міністерство землегосподарьства а участь на нім беруть і чеськый Штатный землегосподарьскый інтервенчный фонд а Выстависко Чеськы Будеёвіцї, інформує справодайкыня TASR в Празї. Склеп нукать наприклад реґіоналны сыры, овоцину і зеленину, молочны, цукрарьскый і мнясовы выробкы, олїї ці шпеціаліты з рыб. Міністерство одгадує, же 80 процент сортіменту будуть творити продукты зо значками якости а 20 процент остатнї фармарьскы і сезонны выробкы од локалных додавателїв. Склеп ся находить недалеко Вацлавского намістя в центрї головного міста а отвореный буде  подля міністерства каждый робочій день.

(TASR, Шутіова)