Европскый парламент вчера выніс вердікт о фінанчній підпорі на будованя такзваных пунктів безплатного бездротового приступу на інтернет в общіх просторах в членскых державах Европской унії. Фінанції з бютжету Европской унії будуть дістрібуованы “ґеоґрафічным вываженым способом“ на выше 60 000 міст в цілій Унії. Комісія просаджує принціп “кто скорше прийде, тен першый бере“, то значить, же европскы міста, котры хочуть понукати ві-фі задармо, мусять внимаво слідкувати вызву в тій області.
(Петро Кімак-Фейко)