Турецькый презідент Речеп Таїп Ердоґан выразив почас понедількового відеорозговору з німецьков канцеларьков Анґелов Меркеловов надію, же в першім півроці 2021-го року бы міг одбыти ся саміт з лідрами Европской унії і Турції з цільом змірнити напругы у взаємных односинах. Інформовала о тім аґентура AFP. Ердоґан вірить, же саміт бы міг быти іщі передтым, як Портуґалія, котра має з Анкаров добры односины, закінчіть свою піврочну презідію в Раді ЕУ. Ґреція веде з Турційов у выходнім Середньоморю довгодобый спор о теріторіалны воды і місця, де находить ся земный ґаз. Напругы меджі Турційов на єднім боці, і Ґреційов а Кіпром на боці фругім ескаловали влони в літі. На основі того Унія розшырила санкчный список о особы, котры представлюють турецькый режім.

(Медвідь, TASR)