Европска унія рихтує дати на Росію найстрогішы санкції за три рокы тырваня войны проти Україны, повів у понедільок французьскый міністер загранічных діл Жан-Ноіл Баррот. Додав, же Европа ся в тім ділі коордінує із США. Цільом рештрікцій буде примусити російского презідента Владиміра Путіна заставити стріляня і почати переговоры о тырвалім мірі, інформовав вебсайт RTL. Подля інформачного сайту TF1 має тот за порядком вже 18-ый паклик санкцій за ціль прямо вычерьпати джерела, котры Путінови уможнюють вести войну, і замірявать ся головно на фінанції з ропы і на фінанчных грачів із Росії і іншых країн, котры Москві помагають обыйти уж запроваджены санкції.

(Медвідь, TASR)