В Мадярьску обмеджіли множество продая бензіну і нафты з реґулованов  цінов на скоро сто черьпачіх станіцях. Інформувала о тім днесь пресаґентура TASR, подля котрой до Мадярьска зачали ходити накуповати туній бензін і нафту зо Словакії, і уж і з Австрії. На многых черьпачіх станіцях обмеджіли множество натанкованой нафты і бензіну на десять літрів, інде знова може за день натанковати повну баньку лем шість авт, пише TASR. Вышня границя ціны  бензіну і нафты в Мадярьску є од 15-го новембра 2021-го року становена на 480 форінтів, то значіть 1,33 евра за літер. Актуалні была  платность даного приказу призначена на три місяці. Влада тот приказ продовжыла аж до половины мая. (TASR, Pkf)