Французькый презідент Еммануел Макрон планує пропоновати выголошіня референдума з цільом прияти в конштітуції зміны, котры бы обовязали Францію ку боротьбі проти кліматічных змін і охрані жывотного оточіня. Інформовала о тім в понедільок аґентура AFP. Макрон в приговорі ку Кліматічній громаді обчанів повів, же пропозіцію на выголошіня референдума будуть наперед мусити прияти обидві палаты французького парламенту. Зміны бы обсяговали наприклад і то, же екоціда – замірне ничіня жывотного оточіня, бы стало карным чіном. Остатній референдум у Франції быв у 2005-ім році, втогды Французы вырішовали о пропозіції конштітуції Европской унії, котру не прияли.

(Медвідь, TASR)