Уж в суботу ся в російскій метрополї Москва зачне россягле очкованя різіковых ґруп особ проти захворіню COVID- 19. Очкованы будуть як першы головно здравотници і учітелї, ознамив у четверь московскый пріматор Серґей Собіанін. ,, В слїдуючіх тыжднях, кедь доразить велике множество вакцін, ся тот зознам розшырить,” інформовав Собіанін у выголошіню, котре опубліковав на своїм офіціалнім вебовім сайтї. Єднотливцї сі можуть од пятніцї договорити конкретны терміны очкованя, уводить аґентура DPA. Додавать, же праві Москва є в рамках Росії довгодобо огниском наказы.

(TASR, Шутіова)