x

Польскы Русины ославлять своє свято новов книжков

00

В суботу, 5-го децембра, одбуде ся в Ґорлицях презентація публікації під назвов „Перша ліґа парібків. Лемківскы публицистичны тексты‟ од авторів Ваня Гунянкы, Петра Медвідя і Богдана Ґамбаля, котру выдало  Стоваришыня Руска Бурса. Про пандемію буде подія проходити в онлайн просторі на фанпейджі радія lem.fm, де єй буде мож і слухати. Початок є о 16.00 год. Презентація ся одбуде якраз в день святкованя Дня Русинів в Польщі. Головным пропаґатором і орґанізатором попередніх святковань быв і днесь уж небіжчік Богдан Ґамбаль, вызначный русиньскый діятель в Польщі, котрый 2-го юла того року несподівано одышов до вічности. І зато тогорічне святкованя вєдно з презентаціов книжкы, буде у великій мірі  присвячене Богданови Ґамбальови, котрый быв ініціатором і ґарантом проєкту выданя споминаной публікації. (lem.fm, Пкф)