Желізнична сполочность Словеньско (ZSSK) знову підпорить єдну з найвызначнішых реліґійных подій на Словакії – Левоцьку путь. Під час вікенду 5-го і 6-го юла народный транспортер забезпечіть шпеціалны влаковы споїня на трасі Спішска Нова Весь – Левоча, котры путнікам упростять приступ к Маріяньскій горі. Інформовала о тім діректорка одбору комунікації  ZSSK Яна Побішова. Желізнична сполочность Словеньско єдночасно путникам рекомендує, жебы собі листкы на тоты шпеціальны влакы забезпечіли завчасу. Найвыгодніша є онлайн форма через мобілну аплікацію IDeme vlakom, на вебсайті споминаной сполочности або через SMS. (TASR, Pkf)