Депутаты мадярьского Народного згромаджіня в понедільок знова зволили за премєра Віктора Орбана, котрый до той функції наступив уж пятый раз, інформовала аґентура TASR. За Орбана голосовало 133 депутатів, проти было 27, нихто ся не стримав. По голосованю староновый председа влады склав святочну присягу. Орбанів владный блок Fidesz-KDNP здобыв у парламентных вольбах 3-го апріля понад три міліоны голосів. Забезпечів собі так уж по четвертый раз по собі двотретинову векшыну кресел в парламенті.

(Медвідь, TASR)