Мадярьскый пермєр Віктор Орбан ся высловив, же Мадярьско собі мусить заховати свою хрістіяньску културу, в котрій ся каждый Мадяр чує як дома, незалежно од того ці є або не є набоженьскы заложеный. Ід справі ОСН о міґрації повів, же міґрацію розумить як стїгованя народів. Підкреслив, же по выголошінях на европскій сценї треба і на форумах ОСН повісти, же Мадярьско поважує міґрацію за небеспечну. Конштатовав, же „міґрацію треба гамовати, а не підпоровати. Мали бы сьме зосередити свої силы на поміч каждому там, де ся народив, жебы мав шанцу жыти достойный жывот у своїй власти, а не пересувати великы масы міґрантів з єдного міста на друге“.  Інформація была перевзята зо справодайского порталу Teraz.sk

Зденка Цітрякова