Чеськый презідент Петр Павел у четверь навщівив україньске місто Одеса. Інформовав о тім сервер iRozhlas. Павел ся там подля нёго стрїтив і з віцепремєром про обнову Олексіём Кулебом, з котрым роковав о тім, як бы могла вызерати повойнова реконштрукція Україны а як бы могла в тім повязаню помочі Чехія. Павел до Одесы пришов зо сусїднёй Молдавії, де быв од середы на навщіві. Ёго путь на Україну  не была опублікованa з безпечностных доводів. Протягом навщівы Павла учінила Росія на Одеску теріторію дроновый атак. Павел з делеґаціёв з україньского міста одходив в часї летецького поплаху, были але мімо небезпеченства, увів iRozhlas.

(TASR, Шутіова)