Хатарї і навщівницї в рекреачных областях Домаша Ева і Поляны ся по рокох дочекають новых драг. Село Голчіківці в окресї Воронів над Топлёв, в котрім катастрї ся стредїска находять, здобыла на реконштрукцію комунікацій і выставбу парковачіх місц од Міністерства інвестіцій, реґіоналного розвитку і інформатізації СР дотацію у вышцї приближно четверть міліона евр. ,,Сьме міло несподїваны, же ся нам подарило здобыти фінанчны средства у вышцї асі 250.000 евр, і кедь передпокладованы выдавкы суть высшы,“ увів про TASR староста Михал Флешар з тым, же дофінанцёваня зо сельского розрахунку буде представляти веце як пять процент з дотації. Драгы поставлены в 70. і 80. роках суть в сучасности подля ёго слов і наперек дакількым оправам місцями в гаварійнім ставі.

(TASR, Шутіова)