Папа Франціск вызвав у четверь представітелїв Ціперьской републікы і Турціёв окупованой северной части острова, жебы обновили рокованя о зновузъєдениню того островного штату. Інформовала о тім аґентура AP. Грозьба і демонштрація силы подля папу лем продовжує тырваня півсторочного ,,грoзного розколу“. Римскый єпіскоп в етнічно роздїленій ціперьскій метрополї Нікозія одштартовав свою пятьднёву робочу путь, в рамках котрой планує завітати і до Ґреції. Ведучіх представітелїв хрістіанів і мусулманів на острові повзбудив, жебы вытворили сполочну ініціатіву на зміріня.

(TASR, Шутіова)