Польща і Швеція підписали у віторок новый план меджінародной співпраці в области оборонного промыслу. Меморандум у Варшаві підписали директор Одділіня воєньскых загранічных діл польского Міністерства обороны Лех Драб і ведучій Одділіня вызбройованя і промыслу шведьского Міністерства обороны Тобіас Стеен на Польско-Шведьскім форумі оборонного промыслу. Польскый міністер обороны Владислав Кошіняк-Каміш выголосив, же польско-шведьска співпраца здобыла новый розмір, одколи Швеція вступила до НАТО. Міністер припомянув сполочну одповідность за Балтік, і акцентовав присутность шведьскых Ґріпенів у Польщі, як і сполочне одстрашованя російскых літаків.

(Медвідь, TASR)