x

Помпео на навщіві НАТО

00

Шеф америцькой діпломації Майк Помпео є днесь в Бруселі. На проґрамі є стріча з ґенералным секретарьом Североатлантічной аліанції Єнсом Столтенберґом. Помпео навщіву Брусела схоснує і на стрічі з політіками, котры были зачатком літа выбраты до найвысшых позіцій в інштітуціях Европской унії. Америцькый міністер має богатый проґрам. Стрічу має наплановану з нововыбратов предсидательков Европской комісії Урсулов вон дер Леєновов, їднаня має мати і з будучім высокым представительом Унії про загранічну і безпечностну політіку Йосепом Бореллом, новым председом европарламенту Давідом Сассолі і будучім председом Европской рады Чарслом Міхелом. Стрічі мають служыти на познакомліня і діскусії мають вести ся о общіх темах.

(Медвідь, TASR)