Україньскый презідент Петро Порошенко почас навщівы Ізраіля выразив надію, же тамтешній парламент признать голодомор на Україні із 1930-ых років за ґеноціду україньского народа, написало Порошенково прес-одділіня. Презідент в понедільок стрітив ся із председом ізраільского парламенту Юлім-Йоелом Еделштайном. Як інформовало прес-одділіня, котре цітовала аґентура Укрінформ, „стороны діскутовали о многых вопросах білатералной співпраці в політічнім, господарьскім, културнім і гуманітарьнім секторі“. Далше у выголошіню пише ся, же почас стрічі стороны вказали на проґрес в політічнім і меджіпарламентнім діалоґу і на важну роль меджіпарламентных ґруп приятельства в тім процесі. Діскутовали і о підтримці ізраільского парламенту про ратіфікацію договору о вольнім обході меджі Українов і Ізраільом, котрый має быти підписаный почас навщівы.

(Медвідь, TASR)