Югоафрицькый презідент Ціріл Рамафоса выголосив у четверь в країнї став катастрофы в повязаню з масівныма выпадками електрикы, інформує TASR на основі справы аґентуры AFP. Югоафрицька републіка в сучасности зажывать найгоршу крізу зо засобованём електриков. Выпадкы, котры ся обявлёвали і в попереднїх роках, ся в остатнїх місяцёх знасобили а тырвають і 12 годин денно, чім способлюють значны господарьскы шкоды. Задовжена штатна енерґетічна компанія Еском не годна додавати на торг достаток електрікы, котру выраблять головно спалёванём угля. Выголошінём ставу катастрофы мож буде уволнити на рїшіня крізы фінанчны средства штату. Рамафоса зарівно ознамив, же выменує окремого міністра про електрику.

(TASR, Шутіова)